نجوى كرم: "خليتونا ميتين ونحنا أحياء يا أولاد الأفاعي"

أضاءت الفنانة اللبنانية نجوى كرم، شمعة بنية بيروت، ودعت الجميع إلى الصلاة والدعاء من أجلها. كما أعربت عن ذهولها من الانفجار المروع وطالبت السياسيين بالرحيل. وتوجهت نجوى لذوي الضحايا بالتعازي وتمنت الشفاء للجرحى، عبر فيديو نشرته في "تويتر"، وأضافت "هيدي رسالة لكل السياسيين": "كأنو ما صار شي ومبلا صار وكتّر.. دبحتونا ودبحتو البلد، طفيتو أهدافنا وأحلامنا والبكرا تبعنا، ومتل كأنو ما صار شي، هجرتو ولادنا وأدمغتنا ومتل كأنو ما صار شي".وأضافت:" نهبتونا وسرقتونا وفلستونا متل كأنتو ما صار شي، وقال شو وبكل وقاحة قالولنا بكرا بيتعودو، ولك يعودكن العمى، مش ملككن نحنا ولاحقل لتحقيق أمنياتكن.. ولك لازم ثورة تفوت عبيوتكن تتحسسكن بيلي عم نحسو.. يا أولاد الأفاعي.. شغلتو فينا المستشفيات وأطباء النفس.. خليتونا ميتين ونحنا أحياء يا بلا وجدان".وتابعت كرم: "ولك وين ريحة الطيون والزعتر يلي بدلتوها بريحة جثث ولادنا وأهالينا.. وبعدكن عم تتقاتلو عالسلطة؟! ولك روحو انقبرو فلّو... كيف قادرين تستخفو فينا؟! كيف قادرين تستخفو بعقولنا وأرواحنا؟! إذا انتو مش فاهمين مصيبة، وإذا فاهمين مصيبة أكتر".