للطيب مديون

زين وشين

"لا مدّ راعي المال للناس طفسه

مدّيت ما أملك ما انتظر وش يقولون

ماحب رجلٍ عيشته قد نفسه

حتى عياله من طبوعه يصيحون

فوق البخل نفسه رديّة وجفسه

وفوق الجفاسة معتبر نفسه يمون

أحب قرمن عايش العمر عفسه

عاقل بحالاتن وحالات مجنون

ولا شفت وضع الناس عفسه بعفسه

خليتهم في كل وادي يهيمون

ما أدخل بدربن مايلن فيه خفسه

ماني عما بالقلب ومفتح اعيون

ولاني من اللي يجزي الطيب رفسه

لاهل الوفا وافي وللطيب مديون"