مي كساب: شيرين فوقي وانقذي نفسك

وجهت النجمة مي كساب رسالة لصديقتها النجمة شيرين عبد الوهاب بعد انتشار أنباء عن شجار جديد جمعها بطليقها الفنان حسام حبيب وصل لحد التعارك بالأيدي ومحضر تنازلت عنه فيما بعد.

كتبت مي كساب عبر حسابها بموقع X: "إلى أختي وصديقة العمر شيرين عبد الوهاب، رجعيلنا شيرين، ما حدش هينقذك ولا هيرجع حقك غير نفسك،فوقي انتي شيرين عرفتك قوية وجدعة وكريمة وصادقة ومعافرة، قومي خدي نفسك وعافري واقفي تاني على رجلك، اردمي الماضي ده وابدأي صفحة جديدة عشان خاطرنا كلنا اللي بنحب شيرين انقذي انتي شيرين". يذكر أنه نشب شجار جديد بين شيرين عبد الوهاب وطليقها الفنان حسام حبيب، وقامت شيرين عبد الوهاب بتحرير محضر ضد حسام حبيب في قسم شرطة التجمع الخامس، بعد تعديه عليها وتعرضها لإصابات، ثم تصالحت وكلفت محاميها بتسوية الأمر.

خلال الفترة الماضية انتشرت مقاطع صوتية لحسام حبيب وهو يتحدث عن أسرة طليقته شيرين عبد الوهاب، مشيرا إلى أنهم آذوها وهم سبب خلافها مع شركة روتانا.

قال حسام حبيب: "أولا "الفويسات" دي أنا مصرحتش بيها، دي حاجات متسربة ومتاخدة من تليفوني، وأنا هقدم بلاغ ضد اللي عمل كده، لأن دي مصرحتش بيها لحد، ولا للصحافة، ودي جريمة يعاقب عليها القانون، وأي حد هينشر كلام أنا مصرحتش بيه هتقدم ضده ببلاغ وأنا بحذر أي حد هيستخدم الحاجات دي"، حسب تصريحاته لبرنامج "ET بالعربي".

شيرين