مادلين طبر توجه نصيحة للزوجات: ضحوا ليستمر الزواج

حلت الفنانة مادلين طبر ضيفة في برنامج "الستات ما يعرفوش يكدبوا" مع الإعلامية منى عبد الغني والإعلامية إيمان عز الدين عبر شاشة CBC.

ووجهت مادلين طبر نصيحة للسيدات، قائلة: "احنا خدنا حيز من الحرية دلوقتي كويس جدا، انا دلوقتي مش متزوجة، بس لما كنت متجوزة، مع حفاظي على شخصيتي كنت بعدي الأمور، لما أحسه طلع، أهرب، لأن الرجل لما بيتعصب مابيعرفش ينزل، معندوش طاقة زينا يلم الموضوع ويرجع طبيعي".

وأضافت: الرجل بيختار زوجة مثل أمه، فيها صفات منها، مش هيحب الست المكسورة، فيها الشخصية القوية، هو جاي عندك متقبل إنك انتِ اللي تديري البيت، لأن أمه كانت الرئيسة في البيت.

وتابعت: الرجل مالوش كتالوج، المهم هو أن تشتري المرأة جوازها، أنا كنت شارية جوازتي الأولى استمرت 7 سنوات، وكنت عايزة أكمل، بمعنى ان تختار الرجل الذي ترغب ان تعيش معه العمر كله، احنا الستات نحب الاستقرار، وأنا شخصيا لا أطيق الجدال مع الرجال ونصيحتي لكل زوجة تريد استمرار زواجها، لابد أن تضحي وتتنازلي في الأمور غير الأساسية حتى تستمر العلاقة لأن الرجل طفل عنيد".