"على أهلها تجني تراكش"

"اسمع يا عمي الشيخ هالوتساب اللي يتعذر فيه راعي محل تركي عن قلة أدب بعض السياح الخليجيين، واللي يرحم والديك فضها سيرة، ما بيك تجيب تركيا بالطارئ لأني طلقتها طلاق بائن بالثلاث، ولا أفكر اروح لها بيوم بعد الغلاء والاستغلال، والعنجهية اللي مالها حدود من بعض اهل المطاعم والمحلات، واهل تأجير السيارات، وكم اركدش بالسكة، اللي نحرونا نحر من هالوريد لين هالشق، وخلونا نلعن الساعة اللي اشترينا فيها شقق عندهم".

الرجل: "طيب خلنا نسمع واتس ابو الشباب، وش يقول، ولك الحكم"؟

الشاب: "يا عمي الشيخ هالواتس يجوز لك، اسمع وش يقول راعي هالمحل بالحرف الواحد: سيدي كما تعلمون كنّا قد صورنا فيديو سابقاً تكلمنا فيه كثيرا عن العرب، ليتنا لم نتحدث بهذا الشكل، ليتنا بقينا لوحدنا الان!

ونتراجع عن كل ما قلناه سابقا، ليأتي العرب من جديد رجاء... رجاء تعالوا نحن ننتظركم، يا اهل دبي، قطر، أفغانستان، تشيشنستان، أرجوكم ارجعوا لقد غرقنا بالديون حتى حلقنا نحن فداء للعرب. تدخل واحد ثاني وقال: تعالوا كنّا نخطط لتأدية العمرة، وألغيت الرحلة مرة اخرى، ورجع الاول يوجه كلامه لأصحاب المحلات اللي بجنبه لقد أكلتم حرام (عرف ان الله حق)، ظهر انه حرام أخذتم أمولا زائدة من الزبائن، ثم رجع يوجه كلامه للعرب، نعم ننتظر الجميع رجاء، مع السلامة ان شاء الله ".

الشايب: "لا حول ولا قوة الا بالله، هالحين عرفوا قيمتنا، بس وش عقبة؟ عقب ما جنت تراكش على اَهلها، ايه يأبوك ما ينفع البر نهار الغارة، والترجمة ديالها من معامل أنيس عبيد، ما ينفع الآيس كريم نهار الهجمة العكسية".

الخبير: "حلوه منك يا قبطان تراكش، ما تقول لنا جنت ايه السيدة براقش"؟

الشايب: "بص يا سيدي، هعتبرك مش فاهم، وهفهمك يقولون سيّر (مش اللي في بالك يا خبير) أحد الازواج على مضارب اهل زوجته المدعوة براقش، ومن فرحتهم بابو نسب أكرموه بعشاء فاخر طبخه لهم ابو عاطف على نار هادية عبد الحميد!

وبعد ما محش مسح يديه برفة جانب بيت الشعر، رجع لزوجته براقش وقال لها: يا ست حرمي يا له من لحم مقدد طيب المذاق بصراحة طليانكم تفوز.

قالت براقش: مالك لواء (أخطأت) هذا لحم حاشي من منقيتي.

قال: على جذا الغداء والعشاء لحم حاشي كل يوم. ويوم وراء يوم نحر كل إبلها، وابل اهل المضارب، فقال حكيم لهم: "على أهلها تجني تراكش" فصارت مثلًا يلف العالم العربي، بيت... بيت وزنقه ...زنقه لليوم".

المتمولس: "اصحاب الخبرة بالعقار لو ابي اشتري عمارة بحدود مليونين بمنطقة راقية من وين اجيب الفلوس"؟

وفي هذه الاثناء رفع على مسامعنا الشيخ زغلول اذان الظهر.

كاتب كويتي