الاثنين 26 مايو 2025
31°C
تم نسخ الرابط بنجاح
عولمة مأكولة مذمومة
"بابا... بابا كول درايفر يودي انا هستبل... حاضر يا باسكال...اسمه ايه يا حاج"؟
"باسكال يا خبير، فعلا خلق وفرق، قال باسكال قال، وانا بقول شفت السحنه دي فين؟ الله يغربل سوالفك يا باشا، چانك ما تجوز عن الربربة الزايدة"؟
الرجل: "يا حجي، قبل لا يروح عطه بطاقة البنك، عشان يدفع الطابع، لان العمالة ما قاموا يأخذون منهم نقدي مثل ايام قبل"!
الشايب: "بطاقة البنك لا يحوشك، يا عله ما يروح هذا اللي باقي، اعطيه بطاقتي، وانا وش ضمني انه ما يشخطها بالمحلات؟ الا بعطيه الدينار، وكيفه، يدبر حاله، جعله ما يطيب ولا يتعافى"!
الرجل: "الله يلوم اللي يلوم شايبنا، بصراحة كل الحق معاه، وانا معاه بكلامه، ووزارة الصحة وراها ما ترجع مكاين الطوابع مثل ايام قبل، او تشوف لها صرفه تيسر على العمال المساكين"؟
المعاق: "كل واحد منكم كلامه هو عين واذن وخشم الصواب، وهذا هو دور الحكومة، اللي من المفروض تلزم البنوك والكفلاء بفتح حسابات بنكية للعمالة، عشان يكون الشغل على ميه بيضاء، وهذي هي اول خطوات العولمة".
الشايب: "ممكن توضح لنا وش تطلع العولمة الماكولة المذمومة، لان عمك فهمه حده باب الديوانية"؟
المعاق: "يا عمي الشيخ، انا اقول عولمة ما جبت طاري عومة، الله يهديك، الظاهر ان الجوع شل تفكيرك، واخذ الامان ليتك تقبل معاذيره!
فتح الحساب بالبنك من صالح سالم الطرفين، الكفيل والكفلاء، عشان ما تضيع الحقوق، وعلى ما اعتقد اغلبكم سمع عن عمالة اشتكوا على معازيبهم، لان ما يعطونهم رواتبهم، ويا كثر ما تغرم المعازيب بدون وجه ولحيهة، حق بعد تدخل بعض السفارات".
الشاب: "واضيف على كلام أخوي المعاق، ان فتح الحسابات راح تحد من العمالة السائبة اللي تارسه البلد، بلا فايدة ولا عايدة رياض!
بالعربي البلد راح تكون كل تعاملاته المالية عن طريق البنوك، وبطاقاته لان عهد الكاش، وشيل الفلوس، وامسك نصاب حرامي، لان كلها كم يوم وتختفي من دول العالم المتحضر، هذا للعلم والله اعلى واعلم".
الخبير: "اللهم صلى على النبي حقيقي يا حاج العيال كبرت، وكلها 25عاما ضاعت وسط الزحام، ويزحلقوني بصابونة "لوكس" لام الدنيا، بعد ان يعلنوا انتهاء عهد الخبراء، اللي زي، ما أنتم عارفين بيوكلنا عيش وسلامتكم".
"اللهم أمن إخواننا في غزة واجعلهم في حفظك ورعايتك، اللهم بردا وسلاما على غزة وأهلها".
المتمولس: "فعلا أصغر منك بيوم اعلم منك بالسيفون"!
وفي هذه الاثناء رفع على مسامعنا الشيخ زغلول اذان الظهر.
كاتب كويتي