هل التحكيم التجاري يعتبر استعماراً حديثاً؟

وجهة نظر

هالأيام وايد ناس تتكلم عن التحكيم التجاري، خصوصاً بعقود الاستثمار. البعض يشوف إن التحكيم صار مثل "استعمار اقتصادي" لأن الشركات الأجنبية دايم تحاول تفرض شروطها، والدول الصغيرة تضطر توافق. ليش يقولون عنه استعمار؟

لأن أغلب مراكز التحكيم موجودة في دول غربية، والقوانين هناك تميل لحماية المستثمر الأجنبي أكثر من الدولة. غير جذي، بعض الدول اندفعت ملايين ومليارات بسبب أحكام تحكيم، فصار في خوف إن الموضوع يستخدم ضد الدول. ودولة الكويت لديها نظام تحكيمي مضبوط وواضح. حيث وضع ضوابط أهمها:

• ما يصير الدولة تدخل تحكيما إلا بموافقة رسمية.

• وإذا حكم التحكيم كان فيه ظلم، أو يخالف النظام العام الكويتي، المحكمة تقدر تبطله.

• والعقود الحكومية ما تمشي إلا بتدقيق قوي قبل لا يوافقون عليها.

واختم بالقول أن التحكيم مو بالضرورة استعمار، لكنه ممكن يصير ضغط اقتصادي لو ما كان فيه قوانين قوية. بس بالكويت، الوضع آمن لأن تشريعاتها تحمي الدولة، وتمنع أي استغلال.

‏رحاب العنزي

كلية الدراسات التجارية - تخصص قانون