الغلط في القانون والجهل فيه

وايد ناس يعتقدون انهم إذا ما يعرفون القانون ما يتحاسبون عليه، بس بالحقيقة القانون له رأي ثاني. الجهل بأحكام القانون يعني أن الشخص ما يعرف إن هالتصرف مخالف، ومع هذا ما يعتبر عذر قدام القانون، لأن القوانين تنحط عشان الكل يلتزم فيها. اما الغلط في القانون هو لما الشخص يفهم القانون بطريقة غلط، ويظن إن اللي يسويه صحيح، وهو بالحقيقة مخالف. بهالحالة القاضي ممكن ينظر للظروف، ويفهم شلون صار هالغلط.

عشان جذي معرفة القوانين شي مهم لكل شخص بالمجتمع، حتى ما يقع تحت طائلة المساءلة القانونية، وما يترتب على ذلك من متاعب. لان فهم القانون ما يحمي الإنسان من المساءلة بس، بل يساعده يعيش بطريقة صحيحة، ويحافظ على حقوقه وحقوق غيره.

‏ضحى إبراهيم شاهين

كلية الدراسات التجارية - تخصص قانون