نشرة أبوسنادة للديوانية

المكان في ديوانية عم الشباب كله، والزمان: الضحى العود، ودلة القهوة رايحة جاية بين الحضور الدائمين.

الخبير أخد بق شاي سُخن، وعقبها نزل الاستكانة على الطاولة، وابتسم ابتسامة من هالشق لذاك الشق، وقال: يا جماعة درس النهرده بتيسير ربنا بعنوان "كبر الجي ونفض الدي"، بمعنى كبر دماغك... أيوه زي ما بقولكم كده.

الدماغ دا لو فضل شغال مع كل شاردة وواردة، في الزمن ده، هتصدى وتجيب لورا. تنفيض الدماغ ده مش كسل؟ ده علاج، ده مضاد حيوي واسع المدى.

رد عليه الشايب، وهو بيعدل نظارته: مالك عليّ حلفان يا معلم، توني قاري ابوسناده نشرة ثلاث أمتار عن تكبير الدماغ، وأنه مضاد حيوى فعال للحوارات والاستهبالات.

مثلا يجيك واحد وعيونه تتلاقط عليك، مسوي نفسه مصلح اجتماعي، وهو جاي لك بسالفة ما تعرف صجها من چذبها، كل ما عليك طلع من مخباتك كبسولة كبر دماغك، وحدرها بطاسة ماء، وانت تقوله: تصدق عندك حق.

ضحك المعاق، وهو يضرب على الطاولة، وقال: اهم شي طلع مقاوم للف والدوران، ويا كثر ما شغلتها خاصية تنفيض الدماغ لناس اعرفها، ما عندهم غير الهذرة.

دخل في الخط الرجل، وهز راسه بوقار، وقال: لعلمكم أهم ميزة في تكبير الدماغ يالربع إنه بيساعد على هضم الكلام، اللي انت مو مقتنع فيه، لان حنا بزمن تسمع فيه سوالف توقف شعر الصدر. مثل اللي يقولك عن مشروع يكسبك ذهب في يومين، واللي يفتي لك في السياسة والكورة، والطب في قعدة وحدة. وإن ناقشته يجيك عسر هضم في مخك، وتنام على جنبك الايسر متنكد.

رد الشاب وهو يطلب القهوة: عليك نور يا سطا، عطيتنا زبدة الحچي، ان سحب سيفون الدماغ هو سر الصحة، وطولة العمر، لا تقولي مهدئات ولا منومات، ما فيناش كاني وما فيناش ماني،

كاني ماني ايه، دي الدنيا ربيع... الدنيا ربيع؟

ضحك الكل، واشتبكت فيوزات المتمولس وقال: كلنا دخلنا بالشهر التاسع يا رب نقوم بالسلامة!

وفي هذه الأثناء رفع على مسامعنا الشيخ زغلول اذان الظهر.

$ كاتب كويتي