الحناوي تنفي الإصابة بالزهايمر

نفت الفنانة السورية الكبيرة ميادة الحناوي، في اتصال مع برنامج "ET بالعربي"، ما تردد عن إصابتها بمرض الزهايمر وتداول الشائعة بشكل كبير خلال الأيام الماضية، وقالت: "الحقيقة هناك شائعات كثيرة وبحب أقول الحمد لله، الله مفضل عليّي وعلى راسي، والحمد لله أنا بألف خير، ولا أعرف هؤلاء الناس المريضين شو بدي أقول عنهم.. هم مرضى أكيد خبثاء عم يطلعوا شائعات تضرّ بالبني آدم ولا أعرف ما الذي أقوله لهم وهم تسلطوا يا ريت أنا بس، وكتير مع الفنانين عاملين هيك".
وأضافت الحناوي "الله يتولاهم وأذية الناس ليست لعبة بين إيديهم، شوي بطلعوا كورونا وشوي زهايمر يا لطيف، أستغفر الله العظيم، الواحد شو بدو يقول الله يثبت علينا العقل والدين".
ولفتت الفنانة ميادة خلال الاتصال بالبرنامج إلى أن هؤلاء أشخاص حاقدون وقالت "هدول أكيد ناس حاقدين شغلتهم هيك إنو يطلعوا شائعات والناس مثلا ما بحبوا هالفنان أو الفنانة"، مشيرة إلى أن "المشكلة وراء انتشار مثل هذه الشائعات تكمن في مواقع التواصل الاجتماعي والتي هي نفسها لا تحبها".
وأوضحت الحناوي أنها بخير وقالت "الحمد لله أنا بأتم الصحة والعافية، مريت بفترة 4 سنين توفت أختي الصغيرة فاتن وأنا مالي غيرها، وأخي كان مريضا وخضع لعملية القلب المفتوح وكان عندو غسل كلى، وهذا هو سبب غيابي الحقيقة وكورونا".
وتابعت: "مثل ما بتعرفوا كورونا روحت ناس كتير وأنا اعتكفت في البيت، بقالي سنة ما طلعت من بيتي، والحمد لله كله تمام وان شاء الله لدينا حفلات حلوة وأغنيات حلوة وبتشكركم وبتشكر كل الناس التي سألت عني وبقول لهم أنا بحبكم كتير وبقدركم كتير وبحترمكم كتير كتير".