القلب

نايف صقر

القلب كل أرباعه خليّ وعروق
يقرى به الضامي قصيدة سرابه
للريح في رمله تباريح وحروق
وتلعب خماسين الوله في ترابه
ومع القلم دنّ ابيض الطرس يا صفوق
راع الهوى ما جابن الورق جابه
لو ما النحل لحكاية الشهد مخلوق
ما كرّم الله العسل في كتابه
لو للسحايب ياطويل الهدب سوق

شريت لك برق رهيف وسحابه
هتانها يا صاحبي لو هطل فوق
اخضرت اطراف السما من عتابه
شاعر عيونك لا كتب فيك طاروق
تختال ازارير الزهر في ثيابه
ما تنبت الفرقا بختري ورقروق
ولا تشرح الصدر الحزين الربابه
وكان انكرت صوتي وتوديهي النوق
بموت من قل الوفا والصبابه
يا أسباب ما أعاني من الوجد والشوق
من غبت وجروحك بقلبي تشابه