بلد "مفيش بالطوفه"!

محمد خلف

"النهاردة غير كل يوم، أنا عندي مقولة جديدة ياليت نقولها تباعا على خبر مش عاجبك"، قالها الخبير ثم أسهب، وأخذ بال حضرتك يا حج من اسهب، وقال مقولة اليوم او بالاصح هي مثل...والمثل هو اللي اختشوا ماتوا، وعلى ما اعتقد كلكم عارفين حكايته ودي ماتهمناش النهاردة"!.
المعاق:" ممكن نبذة سريعة عن المثل ياخبير حتى نتبادل ادوار الحوار... و لان البعض يسمعه وما يعرف وش المقصود منه، وياليت تكون البداية من عندك أكون شاكر فضلك"!
الخبير:" حبيب قلبي (يا اخواتى على الأدب) يا بوعكاز، انت تأمر امر، بعد الصلاة على النبي، هو يتكلم عن شخص ما يخجلش، وعلى طول متجاوز لحدود المعقول...وخذ عندك الخبر اللي قريته قبل ايام بأحدى الجرايد، يتكلم عن مليونير كويتي شاب يُواعِد، سندريلا، بائعة برغير متجوّلة... اهو ده ينطبق عليه مثل اللي اختشوا ماتوا، واقصد في كلامي عن ناقل الخبر وجرناله مش الشخص وليف الروح المحظوظ بالثروة والاموره (اللهم أنى صابر)".
الشاب:" اللي اختشوا ماتوا، اقولها لكل واحد خطط لجعل جامعة الشدادية والمعاهد التطبيقية واستاد جابر الدولي، ومنطقة عبدالله المبارك بهالمكان، وكان هالمكان ناقص زحمة على زحمته، وخلصنا يا مخلص قبل لا نفيش بالطوفه".
المعاق:" اللي اختشوا ماتوا أسوقها لوزارة الصحة، واسأل اشمعنى بطاقة عافية للمتقاعدين بس دون غيرهم من الشعب، ليش هم على رؤوسهم طربوش استنبولي مثلا، ما كلنا مواطنين، كبار وصغار، ومن باب العدل المساواة بيننا دامكم دافعين البيزات"!
الشايب:" اللي اختشوا ماتوا ارسلها لشركة البترول الوطنية وبعض محطاتها اللي بذمتها، واخص بالذكر محطة النسيم، معقولة محطة اشكبرها وعرضها ما فيها بنزين ممتاز ليش ياربي، لا يكون حنا عايشين ببلد مستورد للنفط، اموت واعرف وش هالمقصود من هالحركة، هل هو استعجال بيع المحطة لمستثمر او تطفيشي أنا شخصيا"؟
الرجل:" اللي اختشوا ماتوا، اقولها لاصحاب قرار معاش ربة البيت معقولة يا حضرات يامشرعين، بشرع منهو يكون الصرف للي عمرها 55 عاما دون غيرها من باقي الإعمار، ولعلمكم ان نسبة غير الموظفات بوقتنا هذا قلة، ولهذا أرجو منكم مراجعة قرار الصرف لان ام 55 دخلت مرحلة الزهد".
المتمولس:" اجنبي يشتغل بالكويت مستغرب من الكويتيين يقول اذا أمطرت وهو بالدوام يقدر يروح لبيته، وإذا حصل العكس غاب عن دوامه؟ وفي هذه الاثناء رفع الشيخ زغلول على مسامعنا اذان الظهر".

كاتب كويتي