تولاي هارون تهاجم نقابة الفنانين بسبب الانتخابات

هاجمت الممثلة السورية تولاي هارون، نقابة الفنانين السوريين، على خلفية الانتخابات التي ستشهدها النقابة في وقت لاحق قريبا، والتي ترشحت فيها هارون لنيل منصب في مجلس الإدارة الجديد، وذلك بسبب نشر النقابة اسمها الحقيقي الذي لا يعرفه كثير من الفنانين وأيضا الجمهور، ولم تنشر اسمها الفني المعروفة به، واعتبرت ما حدث محاولة للتأثير على فرصها في الانتخابات.
وكتبت هارون عبر صفحاتها الخاصة في مواقع التواصل الاجتماعي تعليقا جاء فيه: "جاوبوني وبصراحة.. انتوا خايفين عالنقابة ولاخايفين عالكرسي".
أضافت: نحنا كأعضاء حقنا نترشح للنقابة متلنا متلكم يلي صرلكن عشرين سنة قاعدين وما انجزتوا شي ولا رح تنجزوا لانو سبق السيف العذل، في القانون الجديد يلي قريتو.. في مادة عن الانتخابات بتقول في لجنة انتخابية مشكلة من عضو مجلس مركزي وعضوين من الفرع.. لحد هون أوكي".
تابعت تولاي: "نزلت أنا ورفقاتي ورشحنا واللجنة اجتمعت وقررتوا ترشحنا.. لحد هون شكرا... وما نزلتوا لائحة المرشحين على صفحة النقابة أو الفرع.. قلنا عادي خايفين مننا ومن انو الفنانين تنزل تنتخبنا ومع هيك ما حكينا لانو حملتنا الانتخابية عم نقودها بنفسنا.. بس انكم تنزلوا أسماءنا الحقيقية وغير الفنية.. فهون اسمحولنا قلكم عيب".
واستكملت هارون: "نحنا مو مرشحين لمجلس الشعب لحتى ينزل الاسم الحقيقي.. انا بنقابتي واسمي الفني تولاي مو سناء والفنانة سحر فوزي باسمها الكبير مو سحر فوزي طموق، والفنان الكبير عصمت رشيد مو عصمت علي".
واختتمت تولاي منشورها قائلة: "انا بحمل المسؤولية الكاملة للجنة الانتخابات يلي ماخدت بعين الاعتبار اسمنا الفني يلي اكبر من عمرها وبطالبكم بتعديل الاسم لاني مرشحة لنقابتي".