حماة الدار

ألقى المقدم الدكتور علي المطيري قصيدة شعرية بمناسبة زيارة ممثل صاحب السمو سمو ولي العهد، لاقت استحسان الحضور، فيما يلي نصها:
"بحر القصايد هاج في غباته
وهاجت هواجيسي على موجاته
أغوص في بحر المعاني كلي
يا لين اصفيها على داناته
ومن لا عسف شعره لمثل الليلة
وشخانة القيفان والا ابياته
فأميرنا الوافي حميد السيره
إللي على القمه نشر راياته
نواف أبونا شيخنا قائدنا
سطر يا تاريخ الفخر سيراته
واكتب على صدر السما بحروفك
نمشي تحت امره وفي مشهاته
بالسمع والطاعه يردد شعبك
قد قالها محزمك في كلماته
قد قالها مشعل ومشعل يفعل
ولي عهدك ثابته خطواته
يا سعد حظ اللي يصافي مشعل
ويا شيب عين اللي عكس هقواته
هذا عضيد الشيخ سور الديره
وحب البلد ينمو مع نبضاته
هذا عمار الدار ومجددها
وليث الحرايب تنعرف صملاته
ياطا على راس الفساد برجله
ويعدل اللي تختلف نياته
يعدل المايل وترجح كفه
وكفه توطي من رفع هاماته
بالعدل والقانون قاد الحمله
وترفع له البيضا على وقفاته
يا سيدي حنا فدايا الديره
وحنا حماة الدار في أزماته
حنا رجالك باللهيب الصالي
حتى اللهب نظفيه في حزاته
حنا على الموت الحمر وراده
والحر الاشقر فارقه هداته
نارد حياض الموت ورد الضامي
وتعيش نفس اللي غدت زفراته
لكويتنا والفعل ما به منه
حق علينا تزدهر رفعاته
نحمي أراضيه ونمشط بحره
ونأمن الطيار في رحلاته
حتى الديار اللي تجيها نكبه
باسم الامير نشارك بفزعاته
يا سيدي بأمرك ورهن الكلمه
ولا خير في رجل يشح بذاته
قواتنا رهن الاوامر فورا
إذا عطا راعي الأمر عازاته