ديما صادق تحذر نصرالله: "ما تفتح باب جهنم"

بيروت ـ "السياسة"

شاركت الإعلامية ديما صادق، تدوينة تحذيرية وجهتها إلى حسن نصرالله، عبر منصة "X" خشية توريطه لبنان مع إسرائيل، قائلة: "بالمناسبة يا سيد، بالـ 2006 لم تكن تعلم، ولليوم يعني بعد 17 سنة صرت تعلم شو ممكن يصير أو لا؟.. إذا بعدك لا تعلم خلينا نعلمك: رح ينمحي الجنوب عن بكرة أبيه، رح تنهد الضاحية فوق ناسها، ح يصير في حركة نزوح غير مسبوقة بس ما هيكون في محل يستقبل النازحين، لان سوريا تلات أرباع أهلها مش طايقينك، واللبنانية من الكحالة لخلدة لشويا لبيروت مش طايقينك، وأهل بيئتك اللي أصلا عم يصرخوا بالسر ضدك من الجوع اللي وصلتهن لاله رح يصرخوا ضدك هالمرة بالعلن لما ترجع تتهدم بيوتهن فوق روسهن وروس ولادهن، ومش رح تقدر تراهن على الخليج يرجع يبنيلك الضاحية والجنوب بعد ما هتفت ضد السعودية وما خليت لنا صاحب، ومش رح يكون في عنا حدا يقدر يحكي عنا بالمحافل الدولية بعد ما قتلت رفيق الحريري وقضيت ع كل الطبقة اللي ممكن تمثلنا بالمجتمع الدولي، اللهم الا إذا كنت معتمد ع وزير الثقافة اللي هلل لمقتل سلمان رشدي، انه يشرح وضعنا للمجتمع الدولي.. الله يرضى عليك يا سيد إعلم منيح شو ممكن يصير قبل ما تفتح باب جهنم عليك وعلينا بس كرمال ترضي صاحب الزمان".