شحيت ومحيت

محمد خلف الشمري

كله ماشي ماشي يا دنيا خلاص مبقاشي الناس الايام دي بدور على الحب ومبتلقاشي... رخصتي يا دنيا الغالي وغليتي اللي ميسواشي.
الشايب: الله أكبر عليك ايه الحلاوة دي ؟!.. والله أنك صاج بكلامك يا سعادة الخبير ولهذا أرجو من حضرات السادة بس لان ما عندنا سيدات ان يكبرون آذانهم عشان يسمعون قصة اليوم لان فيها عبرة.
الرجل: أبشر بعزك يا حجي كلنا اذان صاغيه لك.
الخبير: اسمع يا سيدي وما سيدك الا انا، كان فيه اثنين اخوان واحد اسمه شحيت والثاني اسمه محيت !.. وعيال الهبلنط ( ما دري وش معناها كنت اسمعها من أحمد ولد خالي ) كل شي اشتغلوه سرقه نشل نصب احتيال شغل من الباطن وبيوم من الايام على ما أظن يوم خميس قال: شحيت لآخوه محيت خلنا نفترق لعل وعسى نلقى شغل نرتزق منه بدل الضيعة اللي حنا فيها !
ما أطولها عليكم قول طول كان شحيت مصك عريض المنكبين يوقف على زنده التيس أذكى من اخوه راح لأحد الملوك وقاله: مولاي انا داخلن علي الله وثم عليك تشوف لي شغل عندك.. قال له الملك: و شرايك تصير حارسي ومرافقي الخاص ويمكن أعينك بالإضافة الي عملك مستشار براتب ثاني عشان تسترزق لأني ما راح ألقى أحسن منك !.. وبيوم من الايام اظنه يوم الاثنين أعلن القصر الملكي بيان للشعب بان حالة الملك غير مستقرة (يرجف عند الستين) !.. وبنفس الوقت أرسل الملك لمستشاره شحيت مرسول الحب (غيابك طال هاذي المرة) يبلغه بالحضور الفوري.. وعند مثوله امام السرير قاله الملك: واشحيت أخويا انا ما عندي غير بنت وحده و كنبغيك تتزوجها باش تيجي لها عوين بالحكم ( على خيرت الله موت وانت متطمن) !.. لان الطامعين بالحكم أكثر من شعر حواجبي صافي ندير كتب الكتاب والدخلة بيوم واحد وثاني يوم سلم الملك النمر !.. وباليوم الثالث فوضت الملكة بذات نفسها الملك شحيت القيام بأمور المملكة لأنها ميح بالسياسة !.. وبيوم من الايام اظنه يوم جمعه جاء محيت يدور اخوه شحيت بإرجاء المملكة ،قالو له هالاسم اسم ملكنا !.. على طول خطف رجله لدار الملك ودخل عليه بواسطة البورتر البنغالي لقاه جالس على كرسي الحكم !.. شحيت محيت ( انزل يابو الشباب بموسيقى حزينة ) بالأحضان يا ابن امي وابوي وقال ليهو داير عليك الله تعلمني بالسالفة من طقطق الى سلامو عليكم وراح معينه وزير عندها انهارت دموع محيت !.. قاله الملك شحيت ولا يهمك راح أعينك رئيس وزراء استمر محيت بالبچي !.. ثم قال شحيت: اخاف تبي تصير مكاني ؟!.. رد محيت: العين ما تعلاش على الحاجب يا مولاي !.. اجل ليش تبچي ؟!.. قال: ابكي على حال هالشعب الغلبان.
المتمولس: اليوم رحت شفت أسعار غرف النوم والذهب وصالات الافراح والبوفيهات !.. اكتشفت ان المفروض من الشباب هم يكتب الخاص ممنوع !.. وفي هذه الاثناء رفع على مسامعنا الشيخ زغلول اذان الظهر.

كاتب كويتي

‏[email protected]