فزولها

ناصر بن دهيم

مرت علينا واستحت كنهـا تلاعـب بالجمـال
وأنـا مـن الفرحـه اغنـي يابشـر فزولهـا
القلب ينبض بالفرح والعيـن بكاهـا الوصـال
يافرحتـي بقدومهـا ويافرحتـي بوصولـهـا
ياهل التدلع والترف جتكـم عناويـن الكمـال
اللـي تبادلنـي الغـلا لانـي انـا مجمولهـا
دلوعتي مضرب مثـل الا خلقهـا الله مثـال
الـورد ينبـت لاتهـادت ويتفرعـن حولهـا
لاشفتها شفـت الحقيقـه تستـوي ويالخيـال
لا وقفت هذا الخيـال امـا الحقيقـه زولهـا
سبحان من خلا التواضع يضحكـ لوجه الدلال
مير البلا شفت التواضع والدلع فـي طولهـا
المشكله لاشفتها انسى الحـرام مـن الحـلال
الا عسانـي منهبـل واصيـر انـا مهبولهـا
العين لاطاحت على كنهاا تقول ارحب تعـال
غصب على أطلع حلو من شان بـس انولهـا
لا نادت اسمي بصوتها يضيع حال وزان الحال
دلوعتي من مثلهـا كلمـهـو انـا مسؤولهـا
جمالهـا اصـلا اجابهـمالـهـا اي ســؤال
قد قالهـا خالـد طـرب وانـا بعـد بقولهـا
لاجاتني حبيبتـي بصيـح وأصـرخ بانفعـال
فزولـهـا حبيبـتـي حبيبـتـي فـزولـهـا