محمد رشاد يعلن عودته إلى مي حلمي

أعلن المطرب محمد رشاد عن عودته لخطيبته المذيعة مي حلمي، بعد 4 شهور من انفصالهما يوم زفافهما في شهر أكتوبر الماضي. وشارك رشاد صور من حفل زفافه قبل عدم اتمامه، قائلا: "أنا شفت شماتة في أكتر يوم كنت بستناه مع أكتر بنت حبيتها فعمري كله، وكنت بحسها بنتي وحبيبتي وصحبتي. طبعا من وقت المشكلة اللي حصلت اليوم دا لحد النهاردة استفدت كتير من اللي حصل حواليا، أولهم إن ناس كتير ممكن تبين فرحتهم وهما مش فرحانين ليك من قلبهم ودا تمثيل، ووقت المشكلة بيتحول الفرح لتصفية حسابات على حساب أي حد". وأضاف: "تاني حاجة ناس كتير بالذات في مجالي هتبين انهم أصحابك وبيحبوك وعايزين يفرحوك ووقت السبق هتلاقيهم أول ناس بيستغلوا الخبر عشان محدش يسبقهم ويبقوا أوائل الناس، حتى لو كانوا بيخوضوا في تفاصيل حياتك الشخصية... في الآخر مش هيفضل غير اللي يحبك ويتمنالك الخير، الناس وآراؤهم مش هيكملوا معاك حياتك بس اللي يحبك وعايزك معاه هوا بس اللي هيفضل... اتمنوا لنا الخير ولكم المثل يا رب".