مي كساب متفائلة بألبوم "أنا لسه هنا"

شاركت الفنانة المصرية مي كساب متابعيها عبر "إنستاغرام"، صورة جمعتها وزوجها مغني المهرجانات أوكا، ووجهت له من خلال تعليقها على الصورة رسالة رومانسية بمناسبة ألبومها الجديد.
وقالت مي: "أنا هنام فرحانة جدًا النهاردة ألف حمد وشكر لله، فاضلي أغنية واحدة وأخلص الألبوم اللي بقالنا 4 سنين بنشتغل فيه، حاسة احساس حلو قوي بقالي سنين ما حستهوش، ومتفائلة جدًا وحاسة إن ربنا هيكتبلنا النجاح والتوفيق على قد تعبنا، بشكر من قلبي كل الناس اللي وقفت معانا عشان نخلص الألبوم ده شعراء وملحنين وعازفين ومهندسي الصوت، وطبعا أخويا محمد حسين اللي طول الوقت بيساعدني، ورامز سليمان الجدع، وهاني عزيز المحترم، اللي قدمولي كل الدعم عشان أخلص الألبوم".
وتابعت: "وفِي النهاية زوجي حبيبي، بحبك حب كبير قوي الله وحده اللي عالم، فرحانة بيك وليك، ربنا يخليك لينا ودايما ضهر وسند ليا، ألبومي كله توزيع موسيقي ورؤية فنية أوكا، يارب ادينا على أد تعبنا، (أنا لسه هنا) قريبًا بالأسواق 2019". الجدير بالذكر أن مي كساب، انضمت أخيرا لأسرة فيلم "الطيب والشرس واللعوب"، ويفترض أن تبدأ تصويره خلال الفترة المقبلة بعد الاستقرار على باقي فريق العمل، كما انتهت من تسجيل أغنيتها الجديدة، التي ستجمعها بالفنان مجد القاسم، الذي كان سببا في انطلاقتها الفنية في عالم الغناء. وانتهت مي كذلك، من تصوير أغنية "يا نحلة"، كلمات وتلحين عزيز الشافعي، وتوزيع أوكا، وهندسة صوتية جورج يعقوب، وإخراج كامبا، وإنتاج مصطفى السويفي، ومدير تصوير سامح فوزي.