نادين الراسي باكية: عايشة عذاب ولا أحد يسأل عني

بكت الفنانة اللبنانية نادين الراسي على الهواء، أثناء استضافتها في برنامج "منا وجر" على قناة "ام تي في"، وهي تروي قصة تعرضها إلى الظلم من طليقها. وقالت الراسي: "أنا إنسانة صار لي من الصيفية حتى اليوم عايشة عذاب ونزاع لأني طلبت حقي الطبيعي بالنفقة من طليقي وما اندفع.. بس طالبت فيه صرت إنسانة مجرمة ما بيحقلها".
وتابعت نادين: "هادا الشي كتير صعب والأصعب لما يستدرجك إنسان ويعمل معك مشكلة.. وأنت من قهرك وحرقة قلبك تهاجم وتواجه وما تخلي حدا يتورط تطلع أنت المجرم.. وبعد كل السنين اللي لاعبا فيها ما عندي غير يسوع أعيد معاه بالعام الجديد.. وطلعت إنسانة شر".
وتابعت: "ما بحكي عن المصاري.. وأنا في حياتي عمري ما كنت إنسانة معها مصاري لأن اللي حواليها على طول بيآخد منها.. وانسرق مصرياتي اشتريت لهم سيارات وبيوت.. ماحدا يقولي بتحكي بالمصاري". وأوضحت نادين: "أنا اهتميت بكل اللي حولي أمي وأبي وأهلي وعندما وقعت صرت فضيحة عليهم.. ما في مصاري ما في حدا.. ولا حدا بيسأل علي". وكشفت الراسي حقيقة تعاطيها للمخدرات، مشيرة إلى أن هذا الكلام مجرد أكاذيب، معلقة: "ذهبت إلى محل قانوني وعملت فحص وأثبت أني لا أتعاطى المخدرات".
واضطر البرنامج لكتم الصوت عن جزء من كلام نادين، يتعلق بالقضية المنظورة في المحاكم مع زوجها.