نادين الراسي تعتذر من وزير الأشغال

بيروت ـ "السياسة":

بعد هجومها على وزير الأشغال العامة والنقل علي حمية، وجهت الممثلة اللبنانية نادين الراسي، اعتذارا له من خلال ردها على إحدى الناشطات في منصات التواصل الاجتماعي، وقالت: "علي حمية بعتذر منّك، أما المسؤول أو المتعهِّد اللي منفّذ الطريق هيك، برجع بقلّك الله يحرقلك قلبك متل ما عم تحرقوا قلوب الناس". وفي الرسالة التي كتبتها إحدى متابعات نادين، أوضحت فيها موقف حمية من حادث السير، الذي راح ضحيته الفنان الشاب جورج الراسي، وقالت: "هالحاجز الأسمنتي موجود قبل ما يجي الوزير علي حمية بسنوات.. بمرة من المرات كنا حنموت بنفس المطرح!.. كلام نادين الراسي هو كلام حدا محروق قلبو والله يعينها بس الأكيد انو مش الوزير علي حمية، المسؤول عن هيدا الشي اللي أصلاً ما حدا معتبره أنو فاصل غلط!". من جهتها عبّرت الممثّلة نادين نسيب نجيم، عن حزنها الشديد لوفاة الفنان جورج الراسي في حادث سير عبر منشور في حساباتها الاجتماعية، شاركت خلاله متابعيها بصور جمعتها مع الراحل، وعلّقت عليها قائلة: "بهيداك النهار اتعرفت عليك عن قريب وشو كنت مهضوم وشخص قلبه طيب كتير ولطيف ومحترم وضليتني أضحك قد ما بتمزح وبتحب الحياة، كتير انقهرت على شبابك وعلى ابنك يلي خسر بيه وعلى رفيقتك وبناتها يلي خسروا امنّ... الله يرحمك ويرحمها والله يصبر قلب اختك وامك وعيلتك كتير صعب يلي صار!".