ياسمين عبدالعزيز تعترف علناً بحبها لأحمد العوضي

تصدرت الفنانة المصرية ياسمين عبدالعزيز، "ترند" محرك البحث "غوغل" بعد الخلاف مع شقيقها وائل عبدالعزيز، الذي هاجمها عبر "فيسبوك"، على خلفية نشر صورها وطبيعة العلاقة التي تجمعها بالفنان أحمد العوضي، وحسمت ياسمين الخلاف بينهما بأن نشرت صورة تجمعها بالعوضي وأرفقتها بالتعليق "بحبك يا أحمد"، وقام العوضي أيضًا بنشر الصورة نفسها والتعليق عليها "بحبك يا ياسمين"، ليكون اعترافًا رسميًا بالارتباط بينهما بعد جدل الفترة الماضية وردا أيضًا على ما نشره وائل، الذي اضطر لغلق حسابه بعد هجومه على شقيقته.
كتب وائل، في "فيسبوك": "بصي يا ياسمين، أنا معاكي وفي ضهرك من وانتي صغيرة شلت مشاكل كتيًر بسببك من وانتي صغيرة، وقفت جنبك بكل ما أملك من قوة أدافع عنك في كل موقف صعب مر عليكي ونسيت حياتي ونفسي عشانك وكل همي أنا ووالدتك، إنك تكبري وتبقي نجمة، تركنالك اختياراتك ووافقنا على قراراتك وكنت الوحيد اللي ساندتك ووقفت جنبك فى طلاقك، لكن تروحي تعرفي واحد أصغر منك بـ10 سنين وتنشري صور مالهاش أي لازمة على حساب سمعتك وسمعتنا، لا ومحدش هيسمح، من امتى الناس بتجيب في سيرتنا؟ ونقعد نتعاكس على السوشيال ميديا؟!". وتابع وائل: "ومع ذلك حياتك وانتي حرة فيها، أنا هتكلم على الشق اللي يخصني، انتي مقاطعة كل العيلة عشان تعملي اللي على مزاجك، إحنا دلوقتي عايزين نفهم العلاقة دي إيه ورايحة على فين".
وأضاف: "أما بالنسبة للأخ اللي ماشي وراكي في كل حتة وشايفك البيضة الدهب.. أحب أقولك يا راجل لما تيجي تدخل بيت تدخله من بابه!! وتقعد مع رجالة البيت!!.. دي الأصول وده الاحترام.. وطبعًا لأنك عارف أنك مرفوض رفضًا باتًا فعمرك ما هتعمل ده!!.. أنا رأيي كفاية عليك البطولة اللي أخدتها والعربية المرسيدس الهدية، وتركز في شغلك وتسيبنا في حالنا لأن طول عمرنا محدش سامع عننا حاجة".
وبعد انتشار الشائعات، قطع العوضي الشك باليقين واعترف للفنانة ياسمين بحبه لترد بالمثل. بينما رد العوضي على تدوينة وائل، قبل أن يحذف المنشور: "أي بيت اللي أدخله من بابه.. إن كانت هي اللي بتصرف عليك وعلى ابنك.. باب إيه أدخله هو أنا شفت راجل واقف جنبها.. انت مبتعملش حاجة غير إنك بتستنزفها هي ومامتها".
وتابع العوضي: "أكلم واحد بيتكلم على عرضه قدام الناس.. أنا من منطقه شعبية اتربيت أن الأخت والأم الكلام عليهم من الكبائر.. باب إيه اللي ادخله وانت اصلا عايش باسمها.. أنا شقيت على حالي بعرقي.. لكن أنت فشلت في كل شئ".