ياعجبا ذيب الغابة

محمد خلف الشمري

الشايب:" عقب ما كلن سل سيفه البتار وقام يرعد ويزبد بالوقت الضايع قبل الانتخابات البرلمانية وهذا ما يسمي فرد عضلات مكشوف امره وبهالمناسبة عندي لكم أغنية سياسية مغربية "اعشقها من طرفي" تسببت في نفي فرقة جيل جلالة "تأسست في عام 72 ميلادية" من المغرب... ولعلمكم يا اخوان هالفرقة كانت تجي للكويت وتغني في مسرح سينما الأندلس قبل الغزو، وللأسف بوقتها محنا فاهمين شي من اللي يقولون !.. وكلمات الأغنية تتكلم عن الظلم والقهر والإحباط مربع الأضلاع "والف تحيه لفرقة ناس الغيوان" وخداع الشعوب من قبل الأقطاب السياسية !.. وعنوانها "ذيب الغابة" وللأسف ذيب الغابة هو الراعي الرسمي للشعوب المضطهدة !
وقبل ما أهل عليكم كلماتها خلونا نترحم على ميتهم يبقى حيهم "يا عجبا يا عجبا و يا سبحان الله ديب الغابة جالب الغنم وراه ... والنصابة باعوا وشراوا معه ... عم الوباء والحفيظ الله ... وعار البلاد على ماليها يابابا ... واللي عاداها ما يداويها يا بابا ... وأغير عليها واناسها من دابا "الآن" ... والغافلين مشات على عينهم ضبابا ... يا عجبا يا عجبا و يا سبحان الله ديب الغابة جالب الغنم وراه ... والنصابة باعوا وشراوا معه ...عم الوباء والحفيظ الله" .
الخبير : يوووه يا حاج فكرتنى باخر أعمال صديقي اللي مسمي نفسه فسح السحليه وابسطها وهي على نفس الخط اللي قال قصيدة عصماء صماء ملهاش قرون بس بكرش تناسب حكايتك " المهنه كداب زفة وكل شيء له حساب .. مادام معاك القوه إكدب بدون أسباب" ‏.. العـدل لو جالك إقفل فى وشه البـاب ... أمرك يا سيدنا مُجاب الرك ع الأتعاب! ... أبوس ايديكم ممنوع "الريتويت" عشان السحليه متاذنيش وأخذ بخاطرها على!
الرجل: اليوم الجماعة كل حجيهم الغاز سحالي وذيابه عسى ماشر ؟.
المعاق: رافعين شعار من خاف سلم أمام اللي يضربون لحمتنا بدون عظم الوطنية!
الشاب: اللي فهمته ان عمي الشايب "بلبل ارجنتيني" ماهو هين طلع راعي سفرات للمغرب إبان حقبة الشباب اللي نحمد الله انها ولت بلا رجعة !.
المتمولس: وحده سألت زوجها : ليه سموا اللي ماخذين خوات عدايل؟ قال الزوج: لأنهم أكلوا نفس المقلب فتعادلوا"... وفي هذه الأثناء رفع على مسامعنا الشيخ زغلول اذان الظهر.

كاتب كويتي

‏[email protected]